იურისტი და პროფესორი ანა დოლიძე სოციალური ქსელით საქართველოს პრეზიდენტობის კანდიდატის, გრიგოლ ვაშაძის იმ განცხადებას ეხმაურება.რომელიც ქუთაისში ამომრჩევლებთან შეხვედრის დროს წარმოთქვა:" როგორც კი გავიმარჯვებთ, გამოვაცხადებთ ამნისტიას მსჯავრდებულთათვის, ვინც სასჯელს მსუბუქი ნარკოტიკების შეძენა-შენახვასა და მოხმარებაზე იხდის.... კონსტიტუციაში შევიტანთ შესწორებას, რომ საქართველო არასდროს გახდეს ნარკოპლანტაცია და საქართველოს ხელისუფლება არასოდეს გახდეს ნარკობარიგა."

"აუხსნას ვინმემ ამ კაცს ის, რაც ისწავლება იურიდიული ფაკულტეტის 1 კურსზე: შეწყალებას ახორციელებს პრეზიდენტი ინდივიდუალურად, თითო პატიმრის მომართვის საფუძველზე, ხოლი ამნისტიას აცხადებს პარლამენტი. შესაბამისად, მან რომ გაიმარჯვოს ამნისტიას ვერ გამოაცხადებს, ვინაიდან პარლამემტი დარჩება "ქართული ოცნების" უმრავლესობის ხელში. ამიტომ სანამ ხალხს შეიყვანთ შეცდომაში იურისტებს დაეკითხეთ. "-წერს ანა დოლიძე.