ქართული მარშის ერთერთი ლიდერი - გიორგი კორკოტაშვილი ასეთ მიმართვას აქვეყნებს :

"ატყობთ, ტელევიზია -პრესამ ისეთ “პალაჯენიაზე" დააყენა საქართველო, რომ საკუთარი აზრის დაფიქსირება გერიდებათ, რომ თავდასხმის ობიექტი არ გახდეთ ლიბერ-პიდარასტებისგან და მათი დაფინანსებული და თანამდგომი ტელე-პრესისაგან!
ამ ჯადოს თუ არ მოერიეთ თქვენ თავებში და არ გაიაზრეთ, რა მზაკვრობაა ამაში ჩადებული “პიდარასტული თავებისგან" და არ გააპროტესტეთ ის, რაც თქვენთვის მიუღებელია მარტო იმიტომ, რომ თავდასხმის ობიექტი არ გახდეთ და მშვიდად იცხოვროთ, ზუსტად ეგ ჭირი მოგნახავთ და ეგ აქლემი დაიჩოქებს თქვენს კარებთან და არც აღარავინ დაგიდგებათ გვერდში!
ღირსეულნო!!! ნუ გეშინიათ რომ პიდარასტების თავდასხმის ობიექტები გახდეთ!
ანახვეთ თქვენს შვილებს ჭეშმარიტად მართლმადიდებელი როგორ უნდა ცხოვრობდეს!!!! "

ბატონი გიორგი, მოგვიწოდებს ბრძოლისაკენ, გამოფხიზლებისაკენ, ლიბერალიზმთან ბრძოლისაკენ და ამ ყველაფერს რელიგიურ შეხედულებებს მიაწერს ... მე შევასწორებდი და ვიტყოდი - რელიგიური ფანატიზმია საწყისი, ყოველი აცდენისა და ჰუმანიზმის ტირანიად, ძალადობად ქცევის .

როგორც გიორგი კორკოტაშვილს, ისე მის თანამოძმეებსაც, გამორჩათ ერთი მნიშვნელოვანი ფაქტი : ლიბერალიზმი ქრისტიანობის პირმშოა. მოგეხსენებათ, ისინი ლიბერალიზმს ებრძვიან ...

რაც შეეხება რელიგიურ მწვალებლობას : ქრისტიანობა არის ჰუმანური მოძღვრება, ის არ განსჯის სხვებს, არ არის დოგმატური, იმ განსაზღვრებით, რომლითაც ის შეიძლება მოიცავდეს მოწოდებას, რომ, ვინც არ იცავს 10 მცნებას, ის განკითხული იყოს ჩვენს მიერ . რელიგიურ დეტერმინიზმში ღმერთი არ უბიძგებს ადამიანს რამეს, არც მოითხოვს მისგან ქმედებასა და პროტესტს ამორალობაზე, რამეთუ ღმერთს მოწოდებით შეიზღუდება თავისუფალი ნება, რაც ფუნდამენტია მეტაფიზიკური ცნებების - სამოთხისა და ჯოჯოხეთის .

საბოლოოდ ცნობილი ქრისტიანი ფილოსოფოსის ციტატით დავასრულებ სტატიას :

“ქვეყნად ყოველთვის იყო და არის ორი რასა. რასათა ეს დაყოფა სხვა ყველა დაყოფაზე მნიშვნელოვანია. არიან ჯვარსმცმელნი და არიან ჯვარცმულნი, მჩაგვრელნი და ჩაგრულნი, მოძულენი და შეძულებულნი, მტანჯველები და ტანჯულები, მდევნელები და დევნილები. ”

„ქრისტიანული სინდისისათვის არა მარტო რასიზმი, ნაციონალიზმიც მიუღებელია. მაგრამ იგი მიუღებელია ზოგადადამიანური, ჰუმანისტური მორალური ცნობიერებისათვისაც. რასიზმი არაადამიანურია, იგი უარყოფს ადამიანური პიროვნების ღირებულებას და უშვებს, რომ პიროვნებას შეიძლება მოექცე როგორც მტერს, რომელიც განადგურებას იმსახურებს. რასიზმი მატერიალიზმის ყველაზე უხეში ფორმაა. გაცილებით უხეში, ვიდრე ეკონომიკური მატერიალიზმი. რასიზმი არის დეტერმინიზმის უკიდურესი ფორმა და თავისუფალი სულის უარყოფა.“