x
მეტი
  • 14.08.2018
  • სტატია:79426
  • ვიდეო:332206
  • სურათი:436619
"..დიდრონი სანთლებით ხელში სამოქალაქო ომის გამჩაღებლებს ლოცავდი!..."-ცოტნე გამსახურდია



image
საქართველოს პირველი პრეზიდენტის ზვიად გამსახურდიას ვაჟი პატრიარქის საკვირაო ქადაგებას “ფეისბუქის" საშუალებით სკანდალური განცხადებით აკრიტიკებს. როგორც ცნობილია, პატრიარქმა ქადაგებაში უცხოეთში წასულ ახალგაზრდებს, რომლებიც “მოსამსახურეებად მუშაობენ, და როდესაც სამშობლოში ჩვენს მიწა-წყალს უცხო ხალხი იკავებს, " სამშობლოში დაბრუნებისკენ მოუწოდა. პატრიარმა ქადაგებაში მრევს ასევე მოუწოდა მეფუტკრეობა შეისწავლოს. გამსახურდიას განცხადებას უცვლელად გთავაზობთ

“თქვენო უწმინდესობავ, ღმერთმანი კარგ დროს გაგახსენდათ ეს ხალხი! მათი გაღატაკება და ქვეყნის გაპარტახება ჯერ მაშინ დაიწყო, როდესაც შენ, დიდრონი სანთლებით ხელში სამოქალაქო ომის გამჩაღებლებს ლოცავდი! როდესაც ჯაბა იოსელიანსა და მხედრიონის "ვერხუშკას" მწვანე აუნთე ეკლესიებში! როდესაც შენს მიერ ნაკურთხ-ნაზიარებმა "ელიტამ" ამ ხალხის კუთვნილი კაპიტალი, მისი წილი სასიცოცხლო არეალი ურცხვად და უნამუსოდ მიითვისა, მაგრამ სამაგიეროდ ახალ-ახალი ეკლესიები ააშენა! ამისათვის თბილისის ახალ ეკლესიებზე წაწერილი არქიტექორების სახელებიცა კმარა... არც ის დაგავიწყდეს: სამღვდელოების ჯიპები და ფუფუნებაც ამ ხალხის ჯიბიდანაა ამოღებული. პატიოსანი შრომა სირცხვილი არ არის. მოსამსახურეობა გაცილებით ღვთისნიერი და მადლიანია, ვიდრე ამბიონებიდან ოქროვერცხლაჩურჩხლული, ჩასუქებული აფერისტების კურთხევა, ჯადოს ახსნა, ხალხის დაბოლება - რა თქმა უნდა, სოლიდური ანაზღაურების სანაცვლოდ. მგონი, არც მაცხოვარი ყოფილა თავადი და არც - მოციქულები, ხომ არ მეშლება? და კიდევ: დაანებეთ ამ ფუტკრებს თავი, ბოლოსდაბოლოს! ფუტკრები ქვეყანას ვერ ააშენებენ. სჯობს ამდენ ეკლესიას თავშეფარებულ მუქთახორას ნიჩბები დააკავებინო ხელში და ქალაქები თუარა, სოფლები ხომ მაინც აშენდება...'' - წერს ცოტნე გამსახურდია.

3
493
1-ს მოსწონს
ავტორი:თამილა გურაშვილი
თამილა გურაშვილი
493
  
5 აგვისტო, 22:28
სამწუხაროდ,მართალია...
5 აგვისტო, 17:59
ჩვენ ვართ ილიას და ზვიადის მკვლელი ერი. ასერომ მოვეშვათ დიდებულ მომავალზე ფიქრებს,რადგან იმ ერს,რომელიც ვერ გარჩევს მტერსა და მოყვარე არაფრის ილუზია უნდა ქონდეს. ცოტნე გამსახურდია,ვიღაცას ეგონება შურისძიებით დაბრმავებული ადამიანი,მაგრამ საჭიროა გადახედო უახლეს ისტორიას ჩვენი ქვეყნის და მაშინვე მიხვდება ადამიანი,რომ ის მართალს ამბობს. გყავდეს ილია და გყავდეს ზვიადი,მერაბთან ერთად და ერმა არ გამოიყენოს,ეს წარმოუდგენელია. თქვენო უწმინდესობავ,იქნებ თქვენ გეცადათ ჯერ ფუტკრების მოშენება და მერე სხვისთვის შეგეთავაზებინათ. ხომ გაგიგიათ,რომ ქვეყნის წინამძღოლი სამაგალითო უნდა იყოსო და ჰა ფუტკარი და ჰა სკა. ალბათ ზვიადს ვერ აპატიეთ ახალი საეკლესიო კრების მოწყობის მცდელობა/ფიქრები და ამიტომაც დაუდექით სისხლიან რეჟიმს გვერდით. ალბათ გეშინოდათ,რომ არ გამოაშკარავებულიყავით კრემლის ხელდასმით მოსული ანაფორიანები. რას ვიზავთ,ჩვენი თაობის გასაკეთებელია ყველაფერი,რომლებსაც გვწამს ღმერთი,მაგრამ არ გვწამს ანაფორიანების. ცოტნეს კი ვეტყოდი: აწმყო თუ არ გწყალობს,მომავალი აუცილებლად ჩვენია.
5 აგვისტო, 14:38
ვისაც ახსობს ის მძიმე წლები,მიხვდება,რომ ცოტნე მართალია !!! ჩვენს მძიმე ,უსამართლო ყოფას ამიტომაც არა და არ ეშველა!!!
0 1 3