ინგრედიენტები:

ფხვიერი ფენებისთვის:

მარგარინი (ცივი) — 300 გრ.
კვერცხის გული — 3 ცალი
ფქვილი (ახალგაცრილი) — 3 ჭ. (480 გრ.)
გამაფხვიერებელი — 1 ჩ. კ.
ნიგოზი (დაჭრილი) — 120 გრ.

ბეზეს ფენისთვის:

კვერცხის ცილა — 3 ცალი
შაქრის პუდრი — 1 ჭიქა
ლიმონის წვენი — 1/2 ჩ. კ.

კრემისთვის:

მოხარშული შესქელებული რძე — 1 ქილა (380 გრ.)
კარაქი — 300 გრ.
ვანილიანი შაქარი — 10 გრ.

დეკორისთვის:

მოხლილი თხილი (კაკალი, არაქისი) — 1 ჭ.
შავი შოკოლადი — 50- 100 გრ.
თეთრი შოკოლადი — 50- 100 გრ.
+ თხილთან ერთად, სურვილის შემთხვევაში:
ცილა — 1 ს. კ.
თაფლი — 1 ს. კ.
შაქარი — 3 ს. კ.
მარილი — 1/2 ჩ. კ.

მომზადება:

1. ფხვიერი ფენების მოსამზადებლად, ერთმანეთს შეურიეთ ფქვილი და გამაფხვიერებელი > ხელით შეურიეთ დაჭრილი მარგარინი > დაამატეთ კვერცხის გული > მოზილეთ ცომი > გაყავით 3 ნაწილად და მაცივარში შეინახეთ 3 საათით.

შენიშვნა: მაცივარში შედგით ბეზეს მოსამზადებელი ცილაც, რადგან ცივი ცილა უკეთესად ითქვიფება.

2. ცხობის დაწყებამდე, 15-20 წუთით ადრე, ცომი მაცივრიდან გამოიღეთ > საცხობ ქაღალდზე დახაზეთ 22 სმ-იანი წრეები და გამოჭერით.

3. ცომი ქაღალდებზე გააბრტყელეთ > სამივე ფენას ზემოდან მოაყარეთ დაჭრილი ნიგოზი და ხელის ოდნავი დაჭერით, ცომში ჩაამაგრეთ.

4. ბეზეს ფენის მოსამზადებლად, ცილას დაუმატეთ ლიმონის წვენი და კარგად ათქვიფეთ, ისე რომ, თასის გადმობრუნების შემთხვევაში, არ გადმოიქცეს > შეათქვიფეთ შაქრის პუდრი. უნდა მიიღოთ მკვრივი ბეზე.

5. ბეზეს მესამედი თანაბრად გაანაწილეთ ცომის ერთ ფენაზე, ხოლო დარჩენილი ბეზე, მაცივარში შეინახეთ.

6. ფენები გამოაცხვეთ 170°C-ზე, წინასწარ გახურებულ ღუმელში. გამოიღეთ, როდესაც მისი ზედაპირი ოდნავ შეწითლდება.

7. ფენები კარგად გააციეთ და ქაღალდი ამის შემდეგ მოაცილეთ, რადგან ცხელი ფენა მყიფე და ადვილად მტვრევადია.

8. კრემი: ათქვიფეთ შესქელებული რძე და კარაქი > დაუმატეთ ვანილიანი შაქარი.

9. ტორტის აწყობა: კრემი ფენებზე გაანაწილეთ > დაალაგეთ ფენები ერთმანეთზე > კრემი გვერდებზეც წაუსვით.

10. გაფორმება: შოკოლადი დაამტვრიეთ და პოლიეთილენის პარკებში მოათავსეთ > პარკები მოათავსეთ მდუღარე წყალში > როდესაც შოკოლადი გადნება, პარკს კუთხე მოაჭერით და ტორტის ზედაპირი შოკოლადის წვრილი ზოლებით გააფორმეთ: ჯერ შავი შოკოლადით გაატარეთ ზოლები ზევით-ქვევით, ხოლო შემდეგ – თეთრით.

11. თხილი მოხალეთ და ტორტის ცენტრი გააფორმეთ.

სურბილის შემთხვევაში, შეგიძლიათ თხილი უფრო გემრიელი გახადოთ: ერთმანეთს შეურიეთ 1 ს. კ. ცილა, 1 ს. კ. თაფლი, 3 ს. კ. შაქარი და 1/2 ჩ. კ. მარილი > ამოავლეთ ამ ნაზავში თხილი > მოათავსეთ საცხობ ფირფიტაზე და 170 გრადუსზე გახურებულ ღუმელში აცხვეთ, 10-15 წუთი > გააგრილეთ და გააფორმეთ ტორტის ცენტრი.