საშიში კვამლი

კემბრიჯის უნივერსიტეტის მკვლევარებმა შეადარეს ჩვეულებრივი სიგარეტის და მარიხუანის კვამლის ქიმიური შემადგენლობა: მარიხუანის კვამლში აღმოჩნდა 2500 ტოქსიკური ნივთიერება, რომელთაგან მხოლოდ 536-ის იდენტიფიცირება მოხერხდა და აქედან 110 არის ტოქსინები, რომლებიც იწვევენ დნმ-ს მუტაციას და ონკოლოგიური დაავადებების რისკს ზრდიან. სტატიაში Scientific Reports აღნიშნულია, რომ სიგარეტის კვამლში მოხერხდა 173 ტოქსიკური ნივთიერების დადგენა, ე.ი. მეტის, ვიდრე მარიხუანის კვამლშია. მაგრამ მარიხუანის კვამლში ტოქსინების ნაწილაკები ზომაში 29 %-ით უფრო დიდია.

ასე, რომ, თუ მასის მიხედვით შევადარებთ, მარიხუანის მოწევის დროს სასუნთქ გზებში 3, 4-ჯერ მეტი კვამლის ნაწილაკები ხვდება, ვიდრე სიგარეტის მოწევის დროს. შესაძლოა, სწორედ ამიტომ ბერდებიან ადრე მარიხუანის მოყვარულები.

სიბერე და "ბალახი"

დასავლეთ ავსტრალიის უნივერსიტეტის მკვლევარებმა შეადარეს, თუ როგორ იცვლება ჩვეულებრივი თამბაქოს მწეველების, "ბალახის" მწეველების, ორივეს მწეველების და არამწეველთა ბიოლოგიური ასაკი. დაკვირვება ხუთი წელი მიმდინარეობდა. შედეგად დაადგინეს, რომ მარიხუანა აჩქარებს დაბერების პროცესს. მაგალითად: მარიხუანის მწევლის, რომლის ასაკი პასპორტის მიხედვით 30 წელი იყო, ბიოლოგიური ასაკი 33 წელს უდრიდა.

ავტორები სტატიაში BMJ open განსაკუთრებულად აღნიშნავენ, რომ გამოკვლევისთვის მათ შეარჩიეს ადამიანები, რომელთაც არ ჰქონდათ გულსისხლძარღვთა დაავადებები, ბოროტად არ იყენებდნენ ალკოჰოლს და არ მოიხმარდნენ სხვა "ნივთიერებებს" (ჰეროინს, ამფეტამინს და სხვ.). დადგინდა, რომ მარიხუანის მწეველების დაბერების ტემპები მით უფრო სწრაფად მიმდინარეობს, რაც უფრო დიდი ხნის მანძილზე მოიხმარენ მას. ითვლება, რომ მარიხუანა ბევრ პრობლემებს უქმნის ფილტვებს, ტვინს, რეპროდუქციულ სისტემას, აგრეთვე იზრდება კიბოს ზოგიერთი სახეობით დაავადების რისკი. შესაძლოა, ეს სისტემური დაბერების ეფექტის გამო ხდება, რომელსაც ნარკოტიკი ახდენს ორგანიზმზე.

იხილეთ ასევე:

39 წლის მილიონერი ირწმუნება, რომ თითქმის არ ბერდება, საკუთარი ღეროვანი უჯრედების ორგანიზმში შეყვანის წყალობით

მან გადაწყვიტა არასოდეს გაეღიმა, რათა მუდამ ახალგაზრდა დარჩენილიყო

აშკარად გამოხატული ნიშნები იმისა, რომ დეპრესია გაქვთ

საოცარი ფაქტები ჩვენი ორგანიზმის შესახებ, რომელიც არ ვიცოდით

უბრალო ხერხები, რომელიც მერილინ მონროს, სოფი ლორენს და სხვ. ეხმარებოდა სრულყოფილების მიღწევაში

საიდან შემოვიდა მოდა ჩაჩაჩულ შარვლებზე და მისი მნიშვნელობა

შოკისმომგვრელი სხეულის მოდიფიკაციები-ადამიანის ანატომიის შეგნებული შეცვლა

9 მითი ალკოჰოლის შესახებ

ზოგიერთი ფაქტი სიგარეტზე და აქტიურ და პასიურ მწეველებზე

როგორ უმკლავდებიან ნაბახუსევს ცნობილი ადამიანები