ბრაზილიაში, ტალახის ზღვაში ჩარჩენილი 15 წლის გოგო, ადგილობრივმა ახალგაზრდა მამაკაცმა გადაარჩინა.

ქალაქ ბრუმადინიოში, კაშხლის ჩამოშლას, მასშტაბნური ნგრევა და მსხვერპლი მოჰყვა. 33 წლის ჯეფერსონ ფერეირა, ნანგრევებსა და ტალახში საკუთარ დას ეძებდა, როდესაც 15 წლის მოზარდს მიაგნო.

გოგონა თითქმის ყელამდე იყო ტალახში ჩაფლული და სიკვდილს ებრძოდა. ფერეირამ ტალახის სქელ მასაში გაცურა და 15 წლის მოზარდი ხელში აიყვანა. იგი გოგონას გვერდიდან მანამ არ მოშორდა, სანამ მის გადასარჩენად სამაშველო ვერტმფრენი არ მივიდა.

15 წლის მოზარდის ვერტმფრენზე აყვანაში ფერეირას მაშველებთან ერთად მეგობარიც დაეხმარა. 33 წლის მამაკაცს, რომელსაც ადგილობრივი მედია გმირად მოიხსენიებს, თავისი დაკარგული და ჯერ კიდევ არ უპოვია.

ბრაზილიაში ერთ-ერთი კერძო კომპანიის კუთვნილი კაშხალი 26 იანვარს ჩამოინგრა. დაიღუპა 100-მდე ადამიანი. ამ დრომდე ეძებენ 250-ზე მეტ დაკარგულს