მაღალი სიჩქარით მოძრავი BMW-ს მარკის ავტომობილი მოცურდა, ბორდიურს შეეჯახა. ავტოსაგზაო შემთხვევა აშშ-ს საელჩოსთან ახლოს, ბელიაშვილის ქუჩაზე მოხდა. მძღოლმა სხეულის დაზიანება მიიღო და საავადმყოფოშია გადაყვანილი. ადგილზე მობილიზებული იყო სასწრაფო, საპატრულო და სამაშველო სამსახურები.

შსს ინფორმაციით, მომხდარ შემთხვევასთან დაკავშირებით საქმე "სისხლის სამართლის კოდექსის" 276-ე მუხლის პირველი ნაწილით აღიძრა. აღნიშნული მუხლი პასუხისმგებლობას ტრანსპორტის მოძრაობის უსაფრთხოების ან ექსპლუატაციის წესის დარღვევაზე ითვალისწინებს.