"ძაან ნასვამი ვარ... ვინც დაგავალა, გადაეცი, შენი დედა მოვტ..." 11 აგვისტო 2015, 00:06:47
AUTO PLAY
შინაგან საქმეთა სამინისტრო ბორჯომი-თბილისის მაგისტრალზე მომხდარი ინციდენტის ვიდეომასალას ავრცელებს, რომელზეც ასახულია დეპუტატ გიორგი კარბელაშვილის დაკავება. "საზოგადოებრივი ინტერესიდან გამომდინარე, ვასაჯაროებთ 9 აგვისტოს ბორჯომი-თბილისის მაგისტრალზე მომხდარი ინციდენტის ვიდეომასალას, რომელიც გადაღებულია საპატრულო პოლიციის სამხრე ვიდეოკამერით და საპატრულო ავტომანქანის ვიდეორეგისტრატორით. ვიდეოკადრებში ნათლად ჩანს, თუ როგორ აყენებენ სიტყვიერ და ფიზიკურ შეურაცხყოფას არაფხიზელ მდგომარეობაში მყოფი დეპუტატი გიორგი კარბელაშვილი და მისი თანმხლები პირი საპატრულო ეკიპაჟის წევრებს; ასევე, ისინი ხელს უშლიან პოლიციელებს სამსახურებრივი მოვალეობის შესრულებაში. გიორგი კარბელაშვილის განცხადებები, თითქოს ის ექვსმა საპატრულო ეკიპაჟმა გააჩერა და გაიტაცა, რომ მას მიაყენეს ფიზიკური შეურაცხყოფა, გათიშეს და მაისური შემოახიეს, სიმართლეს არ შეესაბამება" - ნათქვამია შსს-ს განცხადებაში.
0
|
|