"რუსთავი 2"-ის ინფორმაციით, "რუსთავი 2"-ის ქონების ნაწილი დაყადაღებულია.
ტელეკომპანიის ცნობით, კომპანიის კუთვნილ ავტომობილებს ქიბარ ხალვაშის სარჩელის საფუძველზე აღსრულების ეროვნულმა ბიურომ ყადაღა დაადო. ორშაბათს ცნობილი გახდება სასამართლოს გადაწყვეტილება, დაიწყება თუ არა სამაუწყებლო კომპანიასთან სამართლებრივი დავა.

მომხდარს არხის გენერალური დირექტორი ნიკა გვარამია გამოეხმაურა. მიმდინარე პროცესები მან ხელისუფლების ზეწოლად შეაფასა და განაცხადა, რომ ნებისმიერი მოსამართლე, რომელიც ხელს მოაწერს "რუსთავი 2"-ის საქმეზე უკანონო გადაწყვეტილებას, ხელს მოაწერს საკუთარ პროფესიულ სიკვდილს.