"თავ-პირი უნდა უმტვრიო ამათ დღე და ღამე. ესენი მართლა უზრდელები, დემაგოგები არიან, გადადიან დაუკრეფავში. აბსოლუტურად მოწმენდილი ციდან გამოიყვანენ რაღაც სიტუაციას. თავ-პირი უნდა უმტვრიო ამათ დღე და ღამე", - ასე გამოეხმაურა დეპუტატი ზაზა პაპუაშვილი პარლამენტში კომიტეტის სხდომაზე უმცირესობასთან მის სიტყვიერ დაპირისპირებას.

ადამიანის უფლებათა დაცვისა და თავდაცვისა და უშიშროების კომიტეტის გაერთიანებულ სხდომაზე უმცირესობასა და უმრავლესობის წევრებს შორის სიტყვიერი დაპირისპირება მოხდა. სხდომაზე ვახტანგ გომელაურის კანდიდატურაზე მსჯელობენ.