ინტერნეტში გამოქვეყნდა ვიდეო, რომელშიც ასახულია როგორ ცდილობს გოგონა მრავლსართულიანი სახლის მეხუთე სართულის აივნიდან დაშვებას ზეწრებით.

ვიდეოჩანაწერი შორიდანაა გადაღებული, ამიტომ დეტალების გარჩევა რთულია, მაგრამ ჩანს, რომ ქალი საკმაოდ დიდხანს ჰკიდია ზეწარზე, ბოლოს კი წყდება. რა დაემართა მას ამის შემდეგ, უცნობია. სახლის აივნის ქვემოთ ბუჩქები ჩანს, შესაძლოა, მათ ვარდნა შეამსუბუქეს.

ინტერნეტმომხმარებლებმა ვიდეოს ავტორი გააკრიტიკეს, რადგან ქალის დახმარების ნაცვლად მხოლოდ მომხდარს იღებდა. ვიდეო, სავარაუდოდ, რუსეთის ქალაქ ომსკშია გადაღებული.