ბაქოში, სასტუმრო "ბულვარში" I ევროპული თამაშების შედეგებისადმი მიძღვნილი ღონისძიება გაიმართა. ღონისძიებაში აზერბაიჯანის პრეზიდენტი ილჰამ ალიევი და მისი მეუღლე, I ევროპული თამაშების, "ბაქო 2015"-ის საორგანიზაციო კომიტეტის თავმჯდომარე მეჰრიბან ალიევა, მათი ოჯახის წევრები, პირველი ევროპული თამაშების გამარჯვებული სპორტსმენები, მწვრთნელები, აზერბაიჯანის სპორტული საზოგადოების წარმომადგენლები და უცხოელი პარტნიორები მონაწილეობდნენ.

ცერემონიაზე კულტურის, განათლების, ჯანდაცვისა და სპორტის ნაყოფიერი განვითარების, აზერბაიჯანელი ხალხის კულტურული მემკვიდრეობის საერთაშორისო მასშტაბით პროპაგანდისა და პირველი ევროპული თამაშების ორგანიზებაში შეტანილი ღვაწლის გამო მეჰრიბან ალიევას საკუთარი მეუღლისგან საკუთარი მამამთილის, ჰეიდარ ალიევის ორდენი გადაეცა.