ოდესის გუბერნატორმა მიხეილ სააკაშვილმა უკრაინელებს შეჰპირდა, რომ ყირიმის უკრაინის შემადგენლობაში დასაბრუნებლად ყველაფერს გააკეთებს - ამ განცხადებით სააკაშვილი უკრაინის სამხედრო-საზღვაო ძალების ფლაგმანის - ფრეგატ Гетман Сагайдачный-ს გემბანზე გამოვიდა.

სააკაშვილმა განაცხადა, რომ გააკეთებენ ყველაფერს, იმისთვის, რომ უკრაინის კონტროლის ქვეშ დააბრუნონ ის, რაც რუსეთმა "დროებით დაიპყრო". "და ეს აუცილებლად იქნება, ამას ალტერნატივა არ აქვს", - ხაზგასმით აღნიშნა ოდესის გუბერნატორმა.