ბოლო რამდენიმე დღეა ირაკლი ღარიბაშვილის შუათანა ვაჟი - 5 წლის ანდრია სოციალური ქსელის ვარსკვლავად იქცა. მთავრობის მეთაური აზერბაიჯანის დედაქალაქში შვილებთან და დელეგაციის წევრებთან ერთად იმყოფებოდა, სადაც ბაქო 2015 - პირველი ევროპული თამაშების ოფიციალურ გახსნას დაესწრო.

ბაქოს ფოტოებმა, სადაც პატარა ღარიბაშვილები - ნიკოლოზი და ანდრია სხვადასხვა აქტივობების დროს არიან გადაღებულნი, ფეისბუქზე დიდი გამოხმაურება ჰპოვა. განსაკუთრებული ინტერესი კი პატარა ანდრიას მიმართაა, რომელსაც კადრებიდანაც ეტყობა, რომ ძალიან მოუსვენარია და სადაც მიდის ყველა მის გარშემო ტრიალებს.