ქსენია სობჩაკმა ტელეკომპანია Дождь-ისთვის მიხეილ სააკაშვილთან ინტერვიუ ჩაწერა. ოდესის გუბერნატორმა წამყვანის ათობით კითხვას უპასუხა. ინტერვიუს დაწყებამდე, ტელეწამყვანმა და გუბერნატორმა ოდესის ქუჩებში გაისეირნეს და მოქალაქეებს გაესაუბრნენ. ტელეკომპანია Дождь-ის ოფიციალურ ვებგვერდზე ის კადრები განთავსდა, რომლებიც ეთერში ვერ მოხვდა და სადაც ჩანს, როგორ ხვდებოდნენ ქალაქში სააკაშვილს.

"იშვიათი ტიპია, ყოჩაღი. ის, რაც მან ჩამორჩენილ საქართველოს გაუკეთა, ნობელის პრემიას ეკუთვნის", - წერს მომხმარებელი დიმიტრი რაში "ფეისბუკზე" ვიდეოს კომენტირებისას. მას სხვა მომხმარებლებიც ეხმაურებიან. "საქართველო ახლა ხომ პრორუსულია... იმიტომაც გამოაცხადეს ის ძებნაში".