ერთ-ერთი ნაფიცი მსაჯული ნინოსთან სახლში მოვიდა და ყველაფერი უამბო, თუ რა ჩხუბი იყო ნაფიც მსაჯულებს შორის, - ეს განცხადება მოკლული ლაშა მახარაძის ბიძამ გადაცემა "იმედის კვირაში" გააკეთა. როგორც მან განაცხადა, ბრალდებულ ოქროპირიძის მხრიდან ადგილი ჰქონდა სასამართლოზე, და კერძოდ, ნაფიც მსაჯულებზე ზეწოლას, რის გამოც მათ ვერდიქტი ვერ გამოიტანეს. მისივე თქმით, 2 ნაფიცი მსაჯული გოგონა პროცესის დასრულებისთანავე დარბაზში ატირდა.