დონეცკის ოლქში, სლავიანსკში დილით ანტიტერორისტული ოპერაცია დაიწყო. ინფორმაცია სოციალურ ქსელ Facebook-ით უკრაინის შინაგან საქმეთა მინისტრმა არსენ ავაკოვმა გაავრცელა. "დაიწყო ანტიტერორისტული ოპერაცია სლავიანსკში, რომელსაც ხელმძღვანელობს უკრაინის უშიშროების სამსახურის ანტიტერორისტული ცენტრი. ჩართულია ყველა ძალოვანი სტრუქტურა. ღმერთი თქვენსკენ", - წერს ავაკოვი.

სლავიანსკში სეპარატისტებმა წუხელ შინაგან საქმეთა და უშიშროების სამსახურის შენობები დაიკავეს და მათზე რუსული დროშები აღმართეს. სწორედ ამის შემდეგ დაიგეგმა სპეცოპერაცია. უკვე არიან პირველი დაშავებულები და დაღუპულები როგორც პრორუსულად განწყობილი სეპარატისტების მხარეს, ასევე უკრაინის ახალი მთავრობის მხარდამჭერი ძალების მხრიდანაც.