ბრაზილიაში, ქალაქ ტერეზინაში ახალგაზრდა მამაკაცი, რომელიც ქურდობაში გამოიჭირეს, დასჯის მიზნით ადგილობრივმა მოსახლეობამ თოკით გაკოჭა და ჭიანჭველების ბუდეზე დატოვა.

ადამიანები მშვიდად უყურებდნენ, როგორ კბენდნენ ეჭვმიტანილს მწერები. უცნობია, ხანგრძლივი ტანჯვის შედეგად სხეულის რა დაზიანებები მიიღო ქურდობაში ეჭვმიტანილმა.

როგორც ირკვევა, ბრაზილიაში კრიმინალების დასასჯელად ამ ხერხს ხშირად მიმართავენ, რადგანაც ადგილობრივებს სასამართლო სისტემის მიმართ ნდობა დაკარგული აქვთ.