სამი ადამიანი დაიღუპა კიევში, ძალოვნებსა და დემონსტრანტებს შორის დღეს მომხდარი დაპირისპირების შედეგად. ინფორმაციას "უკრაინსკაია პრავდა" ავრცელებს.

"ეს ადამიანები ცეცხლსასროლი იარაღით მიყენებული ჭრილობებისგან გარდაიცვალნენ. ჩვენამდე არ უშვებენ სასწრაფო სამედიცინო დახმარებას. ადამიანები იღუპებიან, რადგან ვერ იღებენ დროულ დახმარებას", - განაცხადა ოფიცერთა სახლში გახსნილი სამედიცინო პუნქტის ექიმმა ოლგა ბოგომოლეცმა.

კიევის ცენტრში ძალოვნებსა და დემონსტრანტებს შორის დაპირისპირება გრძელდება. პოლიციამ აქტივისტების წინააღმდეგ ცრემლსადენი გაზი, ხმოვანი ყუმბარები და რეზინის ტყვიები გამოიყენა. დემონსტრანტები კი საპასუხოდ ქვებს ისვრიან.