კიევში, სამთავრობო კვარტალში მდებარე შენობების სახურავებზე სნაიპერები არიან განთავსებულნი. ინფორმაციას ამის შესახებ liga.net-ი ავრცელებს. გავრცელებული ინფორმაციით, ინსტუტუტსკაიასა და შელკოვიჩნაიას ქუჩების კვეთაზე მდებარე ოთხსართულიანი შენობის სახურავზე ოთხი სნაიპერია განთავსებული, რომლებიც ხალხს ხმოვან ყუმბარებს უშენენ.

ამასთან, გავრცელებული ინფორმაციით, ერთ-ერთი სახლიდან მომიტინგეებმა შეძლეს ძალოვნების გამოდევნა.

კიევის ცენტრში დაპირისპირება ძალოვნებსა და დემონსტრანტებს შორის დღეს მას შემდეგ განახლდა, რაც მომიტინგეები უმაღლეს რადასთან მიახლოებას შეეცადნენ. შეტაკებების შედეგად რამდენიმე ადამიანია დაშავებული.