რუსეთში მცხოვრები ქართველი მომღერალი დიანა ღურწკაია ინგა გრიგოლიას გადაცემა "რეაქციაში" მოსკოვიდან ჩაერთო.

გადაცემის თემა რუსეთ-საქართველოს შორის "დათბობის თუ დათმობის პოლიტიკა" იყო - სოჭის ოლიმპიადაში ქართველების მონაწილეობის საკითხი აგვისტოს ომიდან ექვსი წლის შემდეგ და კულტურულ-ეკონომიკური ურთიერთობების გაღრმავება ჩრდილოელ მეზობელთან.

"რაც მტრობას დაუნგრევია, სიყვარულს უშენებია. გგონიათ მე არ მტკივა? მაგრამ ჩვენ უნდა გავაკეთოთ ყველაფერი. პატარა ნაბიჯებით, ეს იქნება კულტურული ღონისძიებები, თუ სპორტული ოლიმპიადა, თანდათან მივაღწევთ იმას, რაც ჩვენ გვინდა რომ ხდებოდეს საქართველოში" - აღნიშნა მომღერალმა საუბრისას.