სათვალთვალო კამერით გადაღებული კადრებით ირკვევა, რომ მიქელაძემ, რომელიც კრიმინალურ სამყაროში "დათო ფოთისკის" სახელით არის ცნობილი, მკვლელისგან მცირეწლოვანი გოგონა გადაარჩინა.სავაჭრო ცენტრში დამონტაჟებულმა კამერებმა დააფიქსირეს, როგორ მიდის მიქელაძე ავტოსადგომზე გაჩერებული მანქანისკენ ქალთან და 2 ბავშვთან ერთად, ამ დროს კი მისი მიმართულებით გასროლა ხდება."კანონიერი ქურდი" მუცლის არეში მიყენებული მძიმე ჭრილობით საავადმყოფოში გადაიყვანეს, სადაც ის გარდაიცვალა. გამოძიების ვერსიით, თავდასხმის მიზეზი შესაძლოა, შურისძიება იყოს.