ქრისტინე ძიძიგური პარიზის მაღალი მოდის წრეში უკვე ნაცნობი სახელია. 24 წლის მოდელი "კრისტიან დიორის" პარფიუმის ერთ–ერთი სახეა. ქართველი ლამაზმანი სხვა ცნობილ სამოდელო სახლებთანაც თანამშრომლობს. ქრისტინემ კარიერა საქართველოში დაიწყო. ცოტა ხანი ანსამბლ "ერისიონში" ცეკვავდა. 12 წლის ასაკში მოდელი გახდა. 2008 წელს "ვიცე მის საქართველოს" ტიტული მოიპოვა და მალაიზიაში გამართულ საერთაშორისო კონკურსზე "მის პერსონა" გახდა.