ტელეპროდიუსერ დათო იმედაშვილს და მის ცოლს, ტელესახე ანნა იმედაშვილს, თავისუფლად შეუძლიათ თქვან, რომ ცხოვრება ტრიალ მინდორზე დაიწყეს. თბილისში, დიღმის დასახლებაში მიწის ნაკვეთი რომ იყიდეს, იმ ადგილას მხოლოდ მინდორი იყო, ბოძები ჩაარჭვეს და შემოღობეს. მერე კი სახლის აშენებაც დაიწყეს და ყველაფერი თავიანთი გემოვნებით გააკეთეს. მაშინ ანნა ორსულად იყო, მაგრამ სამშენებლო პროცესში აქტიურად ჩაერთო. თითქმის ყველაფერი წინასწარ გათვალეს.