ცნობილი უფლებათადამცველი, დიმიტრი ლორთქიფანიძე, მის ცხოვრებაში მომხდარ უმნიშვნელოვანეს მოვლენებს მშვენიერ სქესს უკავშირებს – ცოლმა, ხათუნა კეკელიამ, რვა შვილი გაუჩინა, პოლიტიკოსმა სალომე ზურაბიშვილმა კი პოლიტიკისკენ გაუხსნა გზა. ქალებისადმი განსაკუთრებულ პატივისცემას გრძნობს და მათ უფლებებზეც განსაკუთრებულად ზრუნავს. მრავალშვილიანი მამა დღეს ქართველი ქალის პრობლემებითაა შეწუხებული, განიცდის მათ ბედს, ვინც ოჯახის სარჩენად უცხო ქვეყანაში არიან გადახვეწილი.