პატარა რეზო მიშველაძე პოეტმა ლადო ასათიანმა მონათლა. ის და ბატონი რეზოს მამა მეგობრები იყვნენ. პოეტი ჯარიდან მეგობარს სწერდა, ჩემს პატარა ნათლულს არაფერი აწყენინოთო. ქართული სიტყვის მადლი ნათლიისგან ერგო. პირველად ლექსების წერა დაიწყო, მერე კი საკუთარი თავი პროზაში იპოვა. პირველკურსელმა თავისი ნოველები ჟურნალ "ცისკარში" გამოაქვეყნა და აქედან დაიწყო მისი შემოქმედებითი გზა, რომელიც იოლი არასოდეს ყოფილა. იყო შუღლი და დაუნდობელი კრიტიკა, რომელიც დღემდე არ წყდება.