ქალაქური სიმღერების პოპულარული შემსრულებელი, გიორგი წერეთელი, გზებზე სიჩქარის მოყვარულია, ამიტომაც მანამ არ მოისვენა, სანამ "ბეემვე იქს 5" არ ჩაიგდო ხელში. თავს პროფესიონალ მძღოლად მიიჩნევს. ცოლსაც თავად ასწავლა მანქანის მართვა და დარწმუნებულია, რომ მისი მოწაფე გზაზე შეცდომას არ დაუშვებს. გიორგისთვის მანქანას კიდევ ერთი დანიშნულება აქვს – ახალი სიმღერის "პრეზენტაციას" სალონში აწყობს. მის სიმღერებსაც ხომ ძირითადად ავტომობილებში უსმენენ.