დიზაინერი ავთანდილ ცქვიტინიძე მალე ქორწინების მე–10 წლისთავს გადაიხდის და მეგობრებისთვის წვეულებასაც გამართავს. იმისათვის, რომ მისი და ხათუნა თოთლაძის ცოლქმრობა ყოვედღიურობამ არ გააუფერულოს, ყველაფერს აკეთებს: ცოლ–შვილს დიდ დროს უთმობს, მათთან ერთად ხშირად მოგზაურობს, ყველა წარმატებას ხათუნასთან ერთად იყოფს. ოჯახური ცხოვრების პარალელურად, ასევე მშვიდად და უხმაუროდ თავის საქმესაც აფართოებს, საზღვარგარეთ რამდენიმე მაღაზია გახსნა. უკან დარჩა ის დრო, როცა საკუთარი ხაზი კი არა, შუქიც სანატრელი იყო.