ტელეჟურნალისტი ანი გიუნტერი მაშინ იწყებს ვარჯიშს, როცა საქართველოს მოსახლეობის უმეტესობას სძინავს – დილის 7 საათზე. იოგა მისი ახალი გატაცებაა, რომელმაც საკუთარი თავის რწმენა შემატა, ამიტომ გერმანული პუნქტუალობით კვირაში სამჯერ ყველა საქმეს გვერდზე დებს და ვარჯიშს იწყებს. მისი ოჯახის რაციონი მხოლოდ ჯანსაღი პროდუქტებისგან დგება. ანი ტკბილეულს არ ეტანება, სიგარეტს არ ეწევა და კანს მზის სხივებსაც არიდებს.