მსახიობი ნიკა კუჭავა საყვარელ ქალთან ბოდიშის მოხდას არასოდეს გაურბის, თუკი, რასაკვირველია, რაიმე დააშავა. შესარიგებლადაც პირველ ნაბიჯებს თავად დგამს. მისი აზრით, მამაკაცი ამაშიც, ისე როგორც ბევრ სხვა რამეში, უნდა პირველობდეს. მსახიობი თეატრთან ერთად ხშირად დადის გასტროლებზე უცხო ქვეყნებში, მაგრამ ქართველ ქალზე მომხიბვლელი არავინ ეგულება დედამიწაზე. იდუმალება – ეს ის თვისებაა, რაც ქართველ მანდილოსანში ყველაზე მეტად ხიბლავს.