მსოფლიო მასშტაბით უჩვეულო მოვლენები თითქმის ყოველდღე გვხვდება. ამ მოვლენებს კიდევ ერთი დაემატა. ბელგიაში 8 წლის ასაკში ბავშვმა სკოლა დაამთავრა და უნივერსიტეტში ჩაეწერა. ბავშვს საშუალო სკოლის ასათვისებლად და ყველა გამოცდის წარმატებით ჩაბარებისთვის მხოლოდ 18 თვე დასჭირდა.

ოფიციალურ BBC-ზე განთავსებულ სტატიის თანახმად, 6 წლიანი საშუალო სკოლა, 8 წლის ლოურენ საიმონსმა მხოლოდ და მხოლოდ 18 თვეში შეისწავლა და მიმდინარე წლის სექტემბრიდან უკვე ქვეყნის ყველაზე პრესტიჟული უნივერსიტეტის სტუდენტი გახდება.

საიმონსის ოჯახის წევრების განცხადებით, მათი ვაჟიშვილის IQ დონე 145 ია.

ბელგიურ რადიო RTBF -სთან ინტერვიუს დროს ლოურენ საიმონსმა განაცხადა, რომ ყველაზე მეტად მათემატიკის გაკვეთილები მოსწონდა, თუმცა ისტორიასა და ფიზიკაშიც საკმაოდ ძლიერია. სკოლის პერიოდში მას სურდა, მომვალში ექიმი ან ასტრონავტი გამხდარიყო, მაგრამ სკოლის დასრულების შემდეგ, ყურადღება კომპიუტერულ პროგრამებზე გადაიტანა.

ამ წუთისთვის საიმონსს არდადაგები აქვს, 2 თვის შემდეგ, სექტემბრიდან უკვე ოფიციალურად უნივერსიტეტში ისწავლის.

საიმონსის მამა BBC-იმ პირდაპირ ეთერში მიიწვია, სადაც მან აღნიშნა, რომ საოცარი შვილი ჰყვას და მისით ამაყობს, მის გადაწყვეტილებებს პატივს სცემს და ზედმეტად არასოდეს აპირებს ჩარევას - "მომავალში ჩემმა ვაჟმა დურგლობაც რომ აირჩიოს, წინააღმდეგი არ ვიქნები, რადგან ეს მისი გადასაწყვეტია".