ეს ტენდეცია ჯერ კიდევ 2014 წლის მსოფლიო ჩემპიონატზე გამოიკვეთა, თუმცა იმ განსხვავებით, რომ მაშინ იაპონელ გულშემატკივრებს სხვებმა არ მიბაძეს, სულ სხვა სურათია დღეისთვის რუსეთში გამართულ ჩემპიონატზე, მატჩის დასრულების შემდეგ იაპონელებს სხვა ქვეყნის გულშემტკივრებმაც მიბაძეს და მატჩის შემდეგ ერთად დაალაგეს სტადიონი, ასე მოხდა კოლუმბია-იაპონიის მატჩზე, იაპონელებს კოლუმბიელებმაც მიბაძეს, სარანსკში "Мордовия Арена"-ს სტადიონი თამაშის შემდგომ ერთად დაალაგეს.

იგივე მოხდა ეკატერინბურგში. სენეგალელი გულშემატკივრები იაპონელებთან ერთად დარჩნენ სტადიონზე და მათთან ერთად დაალაგეს სტადიონი.

მაგრამ ყველაზე საინტერესო ისაა, რომ სტადიონის დალაგება მოხდა იაპონელების გარეშეც, მაგალითად ურუგვაი -საუდის არაბეთის მატჩის შემდეგ, ურუგვაელმა გულშემატკივრებმა გულდასმით დაალაგეს სტადიონი და გაიტანეს ნაგავი.

ურუგვაელებმა მოიგეს ეს თამაში, მაგრამ გადაწყვიტეს დროებით გადაედოთ საზეიმო განწყობა და სტადიონს მიხედეს.