კურიოზული ფაქტი მოხდა მარნეულში, მეფრინველეობის ფაბრიკიდან გადაყრილი კვერცხებიდან, რომელიც სავარაუდოდ გაფუჭებული ეგონათ, ნაგავსაყრელზე წიწილები გამოიჩეკა. როგორც მარნეულის მერმა, თემურ აბაზოვმა განაცხადა, წიწილები ადგილობრივმა მოსახლეობამ სახლებში წაიყვანა.

აბაზოვის ვარაუდით, ნაგავსაყრელი ქვიანი ადგილია, სულ სითბოა და შესაბამისად, ქათმის შემცვლელის როლი შეასრულა, ათასამდე წიწილა გამოიჩეკა, რომლის უმრავლესობაც მოსახლეობამ სახლში წაიყვანა.

სოციალურ ქსელში გავრცელდა ვიდეო, სადაც ჩანს როგორ დარბიან წიწილები ნაგავსაყრელის ტერიტორიაზე.

იხილე ვიდეო