გორნაია შორია არის მთა, რომელიც მდებარეობს რუსეთში, ციმბირში, კემეროვოს რაიონში. ამ მთის ტერიტორიაზე არის ნაგებობა, რომელიც უპრეცედენტოდ დიდი მეგალითია, და იქნება დედამიწაზე უდიდესი, თუკი ოფიციალურად დამტკიცდა, რომ ის ადამიანის მიერაა შექმნილი. ადგილობრივებს და მთელ რუს ხალხს სჯერა, რომ ეს არის აგებული ადამიანის მიერ. ეს ფორმაცია ბევრად უფრო ძველია, ვიდრე 100, 000 წელია, მაგრამ ჯერჯერობით ამ რიცხვს ასახელებენ. ოფიციალურ დონეზე ეს ნაგებობა მიჩნეულია, რომ არის ბუნებრივი წარმონაქმნი. ოლქის რუკაზეც ასევეა აღნიშნული და როდესაც მკვლევრებმა ჰკითხეს ოლქის გამგებელს, თუ რატომ აღნიშნეს ასე, მან უპასუხა, რომ ჩვენ ვიცით რაც არის ეს, მაგრამ ზემოდან ასე აღნიშვნა დაგვავალეს. ასეთი იყო ცენტრალური მთავრობიდან მითითებაო.

ყველა სპეციალისტი, რომელიც ნახულობს ამ ნაგებობას, რწმუნდება, რომ ეს არის ადამიანის მიერ ხელოვნურად აგებული სისტემა, მაგრამ გამაოგნებელია ბლოკების სიდიდე და გაუგებარია, ისეთი ბლოკები, რომლის გადადგილება ახლაც კი შეუძლებელია, როგორ მოახერხეს მათი ერთმანეთზე დაწყობა 100 ათასზე მეტი წლის წინ და რა ტექნოლოგიებით?! სწორედ ამის გამო, ვინაიდან ვერ ხსნიან ამ ყველაფერს, და არც გარშემო არაა ნაპოვნი რაიმე არქეოლოგიური არტეფაქტები, რომელიც მიანიშნებდა აქ ჩატარებულ სამუშაოზე, მაგალითად, არაა ქვის დასამუშავებელი იარაღები აღმოჩენილი და ასე შემდეგ, ამიტომ თვლიან ბუნებრივ წარმონაქმნად, მაგრამ ეს თვალის დაბრმავებაა. დიახ, რა თქმა უნდა ბუნებას შეუძლია წარმოქმნას გარკვეული ფორმები, რომელიც შესაძლოა ემსგავსებოდეს ხელოვნურად შექმნილს, მაგრამ არა ამ დონეზე.

მთავარი კედლის სიმაღლე 40 მეტრამდეა, ხოლო გავრცელების არეალი 200 მეტრამდე. ზოგიერთი ცალკეული ბლოკის სიგრძე 20 ეტრს აღწევს, ხოლო სიმაღლე 7 მეტრამდეც კია. ბლოკების ნაწილი დამსხვრეული და მიმოფანტულია და როგორც ფიქრობენ, ეს შეიძლება დიდ აფეთქებას გამოეწვია. ეს გრანიტის დიდი ქვებია, რომელიც ერთმანეთზეა დაწყობილი. ზოგ ადგილას კი გამოყვანილია სათავსოების მსგავსი სივრცეები. ქვების წონა 2000 - 4000 ტონამდე(!) მერყეობს. აღსანიშნავია, რომ მანამდე ცნობილი უდიდესი ბაალბეკის მეგალითი 1500 ტონას იწონის. ეს დღემდე აღმოჩენილ მეგალითებს შორის უდიდესია და უდავოდ, გამაოგნებელი. ამხელა გრანიტის ქვების დამუშავება დღევანდელი ტექნოლოგიებისთვისაც კი იქნებოდა ურთულესი, რომ აღარაფერი ვთქვათ გადაადგილებაზე და ერთმანეთზე დაწყობაზე.

შემოგთავაზებთ ამ საოცარი მეგალითების ფოტოებს და თავად შეაფასეთ, რასთან გვაქვს საქმე:

ასე გამოიყურება გორნაია შორიას მეგალითის სატელიტური ფოტო, რომელიც ასევე აშკარად დაგეგმარებულს ჰგავს:

ავტორი: თორნიკე ფხალაძე