გერმანელი გულშემატკივარი ფეხბურთის მსოფლიო ჩემპიონატზე ტრაქტორით გაემგზავრა, რომელზეც ლუდის კასრია ჩაბმული. მამაკაცმა უკვე გადაკვეთა ბელორუსიის საზღვარი და რუსეთის დედაქალაქისკენ მიემართება. თვითმხილველებმა განაცხადეს, რომ ტრაქტორის სიჩქარე დაახლოებით 50 კილომეტრია საათში, ამიტომ გულშემატკივარმა ადრევე დაიჭირა თადარიგი.

იგი დაახლოებით 70 წლისაა და თან ახლავს ძაღლი. მამაკაცი ვარაუდობს, რომ 10 დღეში მოსკოვში იქნება.

შეგახსენებთ, მსოფლიო თასის 21-ე გათამაშება ფეხბურთში რუსეთში გაიმართება 14 ივნისიდან 15 ივლისამდე.