"წავიკითხე ერთი მშობელის პოსტი, რომელიც წერს, რომ სკოლის დამთავრების ბანკეტზე უსახრობის გამო 30 ბავშვიდან 20 მივიდა. ეს ნიშნავს იმას, რომ საქართველოში ყველა ზნეობრივ ნორმას ხაზი აქვს გადასმული. ჯერ ერთი, რა გულით, რა სინდისით იქეიფა იმ 20-მა ბავშვმა. ან რა გააკეთეს ამ ოცი ბავშვის მშობლებმა, რა ასწავლეს თავიანთ შვილებს. ნუთუ არ შეიძლებოდა ისე მოეწყოთ, რომ ყველას შესძლებოდა გადახდა. ბავშვებს ერთობის და სოლიდარობის გრძნობა გაუქრეს. ასეთი შვილი მალე მიუტრიალდება თავის მშობელს და თუ ამ უკანასკნელს ფული აღარ ექნა, კინწისკვრით გამოაგდებს ქუჩაში და ღირსებიც იქნებიან. ნეტა რა სადღეგრძელოებს ამბობდნენ ეს შეძლებული პიჟონები. ან მასწავლებელი ან სკოლის დირექტორი რას აკეთებს. ბავშვებში განხეთქილება შეიტანეს და გული ატკინეს. 17 წლის ახალგაზრდა, ბავშვი აღარ არის და თუ ის ამ ასაკში ვერ ხვდება, რომ ამ ბანკეტის მთავარი ღირებულება კლასელების ერთად ყოფნაა და არა სუფრაზე დახვავებული საჭმელი, ეს იმას ნიშნავს, რომ მისი ცნობიერება და ზნეობა უკვე დიდ დეფექტს შეიცავს და ეს გააკეთეს "კეთილისმყოფელმა" მშობლებმა. სულ რომ არ ყოფილიყო ბანკეტი და სადმე ექსკურსიაზე წასულიყვნენ ერთად, ის ჯობდა, ვიდრე ასეთი ბანკეტი და "დროსტარება"-წერს, საკუთარ გვერდზე პროფესორი, იურიდიულ მეცნიერებათა დოქტორი, იოსებ ბაჩიაშვილი