წლების წინ მათზე უამრავი ადამიანი იყო შეყვარებული და მოუთმენლად ელოდნენ ახალ სერიებს მათი საყვარელი გმირების მონაწილეობით. 90-იანებში “კასანდრა", “ველური გული" თუ “ბლანკოს ქვრივი"- შეიძლება ითქვას, რომ ერთადერთი გასართობი იყო მოსახლეობისთვის.

ვნახოთ, როგორ გამოიყურებიან დღეს ამ სერიალების გმირები.

“კასანდრა"

“კასანდრა" 1992 წელს გამოვიდა ტელეეკრანებზე და მილიონობით მაყურებელი დააინტერესა ლამაზი ბოშა გოგონას ცხოვრებამ. საქართველოში ეს სერიალი იმდენად პოპულარული გახდა, რომ ბაზარში “რანდუს დანებს" და “ხუანის ჩექმებსაც" გადააწყდებოდა კაცი.

ფილმში მთავარ როლს მსახიობი კორაიმა ტორესი ასრულებს. მსახიობი დღეს 45 წლისაა და კვლავ შესანიშნავად გამოიყურება.

სერიალში კორაიმას პარტნიორობას ოსვალდო რიოსი უწევდა. ოსვალდო რიოსი 57 წლის გახლავთ და ამ ასკშიც ინარჩუნებს სიმპათიურობას.

“ველური გული"

შეიძლება ითქვას, რომ საკულტო სერიალი გახლდათ, რომელსაც არავინ დაუტოვებია გულგრილი, ასაკის და სქესის მიუხედავად. სერიალი იმდენად პოპულარულ იყო საქართველოში, რომ ახალდაბადებულ გოგონებს მონიკასაც არქმევდნენ.

ფილმში მთავარ როლებს ედით გონსალესი და ედუარდო პალომო ასრულებდნენ.

ედით გონსალესი, 53 წლის

ედუარდო პალომო 2003 წელს გარდაიცვალა 41 წლის ასაკში, მას გული გაუჩერდა.

“გუადალუპე"

ამბავი კოჭლ გოგონაზე, მახინჯი იხვის ჭუკი, რომელიც ბოლოს მშვენიერ გედად გადაიქცა და სამართლიანობა აღადგინა.

სერიალი 1993 წელს გამოვიდა ეკრანებზე. მთავარ როლებს ადელა ნორიეგა და ედუარდო იანიესი ასრულებენ. თითქმის 25 წლის შემდეგ მსახიობები ასე გამოიყურებიან:

ადელა ნორიეგა 48 წლის

ედუარდო იანიესი, 57 წლის

“ბლანკოს ქვრივი"

ამ სერიალის შემდეგ კი რატომღაც ყვავილი კალა გახდა პოპულარული. კოლუმბიური სერიალი 1996 წელს გამოვიდა ეკრანებზე და ქმრის მკვლელობაში დადანაშაულებული ქალის ამბავს მოგვითხრობს, რომელიც თავისი სიმართლის დასამტკიცებლად და ტყუპი ვაჟების დასაბრუნებლად იბრძვის.

ფილმში მთავარ როლს მარია ელენა დორინგი ასრულებს, რომელიც დღეს 55 წლისაა, პარტნიორობას კი ოსვალდო რიოსი უწევს, რომელზეც ზემოთ უკვე ვისაუბრეთ.

“შავი მარგალიტი"

“შავი მარგალიტი" 1994 წელს გამოვიდა ეკრანებზე. სერიალში ერთი გოგონას ამბავია მოთხრობილი, რომელიც პატარაობაში გააშვილეს და ბედის უცნაურობის წყალობით მოგვიანებით თავის მშობლიურ სახლში ხვდება, თუმცა მისი ნამდვილი ვინაობა არავინ იცის.

მთავარ როლებს ანდრია დელ ბოკა და გაბრიელ კორადო ასრულებენ.

ანდრია დელ ბოკა, 52 წლის

გაბრიელ კორადო, 57 წლის

და ბოლოს, ამერიკული სერიალი “კობრა", 1993-1994წწ.

მთავარ როლებში მაიკლ დუდიკოფი და ელისონ ჰოსაკი.

მაიკლი, 63 წლის

და ელისონი, 53 წლის