კახეთში ახალგაზრდა ქალს მეგობარი მამაკაცი სექსუალურ კავშირს აიძულებს და სცემს. ნანა ჯუსოევა უკვე 6 წელია, ძალადობის მსხვერპლია. მისი თქმით, ილჰამ ალიევი, რომელიც მისი მეგობარი მამაკაცია, შვილზე ძალადობით ემუქრება, ამიტომ იძულებული გახდა, 16 წლის გოგო სახლიდან გაეხიზნა.

.

.

.

ნანა ჯუსოევა ამტკიცებს, რომ ალიევებს ადგილობრივ ძალოვანებზე გავლენა აქვთ, ამიტომ მოძალადეს სამართალდამცველები არ აკავებენ. ნანა ჯუსოევა ირწმუნება, რომ მამაკაცმა მას დანაზოგი - 25 ათასი დოლარი, გამოსძალა. მისი თქმით, ილჰამ ალიევმა მას ფული შემდეგაც სთხოვა, უარის მიღების შემდეგ კი ძალადობა დაიწყო. ჯუსოევას მტკიცებით, აღნიშნულის შესახებ ცნობილია მოძალადის მეუღლისთვისაც, რომელიც, მისი მტკიცებით, თანხის გამოძალვის თანამონაწილე იყო.

.

ალიევები ლაგოდეხის მუნიციპალიტეტის მეზობელ სოფელ კაბალში ცხოვრობენ. ილჰამ ალიევი კურიერის გადამღებ ჯგუფს სახლში არ დახვდა. მისმა მეუღლემ, ნასიბ შაბანოვამ, კი მცირე კომენტარი გააკეთა და ძალადობის მსხვერპლი სიცრუეში დაადანაშაულა.

.