გაერო-ს მონაცემებით, 2050 წლისთვის საქართველოს მოსახლეობა 28%–ით შემცირდება, მაშინ, როდესაც მეზობელ ქვეყნებში მოსახლეობის 30–35%-ით მატებაა მოსალოდნელი.

2050 წლისთვის საქართველოს მოსახლეობა 28%–ით შემცირდება, 34%–ით გაიზრდება აზერბაიჯანის მოსახლეობა, სომხეთის – 7%–ით, ხოლო რაც შეეხება ჩრდილო კავკასიის ქვეყნებს და თურქეთს, მოსახლეობის რაოდენობა თითქმის 30–35%–ით გაიზრდება.

გაეროს ეკონომიკურ და სოციალურ პრობლემათა განყოფილების მიერ ჩატარებული კვლევით, თუ საქართველოში დემოგრაფიული პოლიტიკა არ შეიცვლება, დემოგრაფიული პერსპექტივა შემდეგნაირია: დღეს ჩვენი მოსახლეობის რაოდენობა 4 მლნ 436400-ია, 2025 წლისთვის - 3 მლნ 917000-მდე, ხოლო 2050 წლისთვის - 2 მლნ 985000-მდე შემცირდება.

ქვეყანას 2050 წლისთვის დემოგრაფიული კატასტროფა ემუქრება: საქართველოს მოსახლეობა 1 მლნ 170000 კაცით შემცირდება. აზერბაიჯანის მოსახლეობა 3 მილიონით მოიმატებს და 12 მილიონი გახდება, მატება იქნება ჩვენს მეზობელ სომხეთშიც.