ქართველ მაყურებელს განსაკუთრებულად უყვარს ფილმი " შერეკილები", სადაც მთავარ როლს მსახიობი არიადნა შენგელაია ასრულებს. საინტერესოა ის ფაქტიც, რომ ფილმში ერთადერთი ქალი პერსონაჟი სწორედ არიადნა შენგელაიას გმირი - მარგალიტა ამყოლაძეა. დღეს არიადნა შენგელაია 81 წლისაა და ასე გამოიყურება:

სანამ შერეკილებში გადაიღებდნენ მას უკვე უამრავი როლი ჰქონდა შესრულებული საბჭოთა კავშირის მასშტაბით. ის ერთ-ერთ ყველაზე ლამაზ საბჭოთა მსახიობად ითვლებოდა.

არიადნა შენგელაია 1937 წელს ტაშკენტში დაიბადა. მამამისი წარმოშობით გერმანელი რუსი გახლდათ, რომელსაც გერმანული წარმომავლობის გამო საფრთხე ემუქრებოდა და მათი ოჯახი ტაშკენტში გადასახლდა. სწორედ მაშინ დაიბადა არიადნა. რამდენიმე წლის შემდეგ ისინი ტაშკენტიდან მოსკოვში დაბრუნდნენ.

სამსახიობო განათლება არიადნამ მოსკოვის საკავშირო კინემატოგრაფიის ინსტიტუტში მიიღო. სწორედ ინსტიტუტიდან იღებდნენ მას ფილმებში, ითამაშა ისეთი როლები, რომლებზეც ყველა დროის უამრავი მსახიობი ოცნებობს და ოცნებობდა. გამორჩეულია - ტატიანა ლარინა ფილმიდან "ევგენი ონეგინი" და სხვა.

სულ მალე არიადნა შენგელაია საბჭოთა ეკრანის მეგავარსკვლავი ხდება. 50-იანი წლების ბოლოს და 60-იანი წლების დასაწყისში ის საბჭოთა კინოს ერთ-ერთი ყველაზე პოპულარული მსახიობი იყო.

სწორედ კინემატოგრაფიის ინსტიტუტში სწავლისას გაიცნო მომავალი მეუღლე, კინორეჟისორი ელდარ შენგელაია, რომელთანაც 20 წელი იცხოვრა. სწორედ ელდარ შენგელაიას ფილმით "შერეკილები" შეიყვარა არიადნა ქართველმა მაყურებელმა.

ქართულ კინოში გადაღებების პარალელურად არიადნა შენგელაია თამაშობდა გრიბოედოვის სახელობის რუსულ თეატრში, სადაც მრავალი საინტერესო როლი ითამაშა.

ელდარი და არიადნა შენგელაიები მოსკოვში.

გიორგი შენგელაია, არიადნა შენგელაია, სოფიკო ჭიაურელი, ელდარ შენგელაია. "შერეკილების" გადასაღებ პავილიონზე,

მრავალწლიანი თანაცხოვრების შემდეგ წყვილი ერთმანეთს დაშორდა და არიადნა მოსკოვში დაბრუნდა, თუმცა მან მეუღლის გვარი დაიტოვა. მსახიობი აგრძელებდა ფილმებში მონაწილეობის მიღებას.

ელდარ და არიადნა შენგელაიები

ორიათასიანი წლების დასაწყისში არიადნა შენგელაიამ სამსახიობო კარიერა დაასრულა და თბილისში დაბრუნდა, რამდენიმე წლის განმავლობაში კითხულობდა ლექციებს თეატრალურ უნივერსტეტში. ცნობილია რომ უკვე წლებია მსახიობი უარს აცხადებს ინტერვიუებზე და საზოგადოებრივ თავშეყრის ადგილებშიც ნაკლებად ჩნდება.