1983 წლის თებერვალში ახალგაზრდა კომპოზიტორი და მუსიკოსი დიტერ ბოლენი შევიდა ბერლინის ხმის ჩამწერ სტუდიაში და იკითხა:"ხომ არ იცით ვინმე, ისეთი, რომელიც მის სიმღერებს შეასრულებდა?"ასე გაიცნეს ერთმანეთი ქერა დიტერ ბოლენმა და შავგვრემანმა თომას ანდრესმა ერთმანეთი და ასე დაიწყო ერთ-ერთი ყველაზე წარმატებული გერმანული პოპ-დისკო ჯგუფის კარიერა.

«Modern Talking» ერთადერთი ჯგუფია, რომლის 4 ალბომი ზედიზედ მულტიპლატინური გახდა, ეს რეკორდი დღესაც მოუხსნელია.

საინტერესო ფაქტები

***ჯგუფი ორჯერ დაიშალა და ორივეჯერ სკანდალურად, ერთმანეთის ლანძღვა გინებით და ორივეჯერ მაშინ, როდესაც პოპულარობის პიკზე იყვნენ:პირველად 1987 წელს, ხოლო მეორედ, 11 წლიანი პაუზის შემდეგ 2003 წელს საბოლოოდ.

*** თომას ანდერსის ნამდვილი გვარი ბერნ ვაიდუნგია და რადგან ძნელად გამოითქმებოდა, პროდიუსერმა შესთავაზა სასცენო ფსევდონიმად თომას ანდერსი აეღო.

***ჯგუფის პირველად დაშლის მიზეზი ანდერსის ცოლი ნორა ბალინგი გახდა, ქალს არა მარტო მესამე წევრად უნდოდა ყოფნა, არამედ პრეტენზია ჰქონდა პროდიუსერობაზე და მენეჯერობაზეც, არა და სიმღერების თითქმის 100%-ს დიტერ ბოლენი ქმნიდა."ნორას ჭირვეულობის გამო ჩაგვეშალა გამოსვლა ბრიტანულ «Top Of The Pops»-ში და მაშინ ვთქვი, მირჩევნია მოვკვდე, ვიდრე ასეთ პირობებში ვიმუშაო"-იხსენებს ბოლენი.

***1988 წლისთვის Modern Talking ის გაყიდვებმა 85 მილიონ ასლს მიაღწია.

***1998 წელს, გერმანიაში ალბომი Back for Good პირველსავე კვირას 700 ათასი ეგზემპლარი გაიყიდა!.

***1998 წელს ბუდაპეშტში გამართულ კონცერტს 200 000 კაცი ესწრებოდა.

***1998 წელს, ალბომი Back for Good მსოფლიო გაყიდვების ლიდერი გახდა

***1999 წელს, მონტე კარლოში, Modern Talking- მა მიიღო პრიზიThe World Music Award, როგორც "ყველაზე გაყიდვადი გერმანული ჯგუფი მსოფლიოში".

***2001 წელს მანჩესტერში (ინგლისი) Modern Talking-ს გადაეცა Top of the Pops Award ტიტული, როგორც საუკეთესო გერმანული ჯგუფი.

*** BMG-ს მონაცემებით 2003 წლისთვის Modern Talking -ის გაყიდულმა ალბომებმა 120 მილიონ ეგზემპლიარს გადააჭარბა, თუმცა იგი პოპულარული იყო ყველგან, აშშ-ს გარდა, მეტიც, როდესაც მისი ალბომები ევროპული ქვეყნების ჩარტებს სათავეში ედგა, აშშ-ში მათი ალბომები ან სინგლები "ბილბორდის" ტოპ-200-იც ვერ ხვდებოდა.

***2010 წლის Modern Talking - სიმღერების ნაკრები 25 Years Of Disco-Pop- გერმანიის, ავსტრიის და პოლონეთის ჩარტებში მოხვდა, რითაც დასტურდება რომ ჯგუფი კვლავ პოპულარულია დაშლის შემდეგაც.