ჩრდილოეთ კორეის ლიდერმა კიმ ჩენ ინმა, მეუღლესთან, ლი სოლ ჩჟუსთან ერთად ღამის ფხენიანის ქუჩებში ახალი ტროლეიბუსით გაისეირნა, ამის შესახებ იუწყება ჩრდილოეთ კორეის ცენტრალური სატელეგრაფო სააგენტო.

ტროლეიბუსები დედაქალაქის ქარხანაში მზადდება, კორეის ლიდერმა რამდენიმე დღის წინ მოინახულა ქარხანა და აღნიშნა, რომ ეს ტროლეიბუსი უნდა გახდეს ფხენიანის სახე

"მოინახულა ქარხნის სხვადასხვა ადგილები, მათ შორის გადამამუშავებელი და ელექტროძრავების საამქრო, ტროლეიბუსების ამწყობი კონვეირი და შეამოწმა სარემონტო საამქროები, იგი დეტალურად გაეცნო რეკონსტრუქციისა და მოდერნიზაციის გეგმებს და წარმოების მდგომარეობას" ნათქვამია განცხადებაში.

-პატივცემულმა უმაღლესმა ხელმძღვანელმა განაცხადა, რომ ვერ დამშვიდდება მანამდე, სანამ არ ნახავს ამ ტროლეიბუსს, მან გამონახა გვიან ღამით დრო და ტროლეიბუსით ღამის ფხენიანში გაისეირნა.-აღნიშნავს სააგენტო.

იხილეთ აგრეთვე

კომუნისტური ჩრდილოეთ კორეა: 10 საუკეთესო შენობა-ნაგებობა