პანკისის ხეობაში ჩატარებული სპეცოპერაციისას 19 წლის თემირლან მაჩალიკაშვილის გარდაცვალების საქმეზე ბიოლოგიურმა ექსპერტიზამ პასუხები დადო. როგორც მაჩალიკაშვილის ოჯახის ადვოკატმა მარიამ კუბლაშვილმა ჟურნალისტებთან საუბრისას განაცხადა, იგი ექსპერტიზის პასუხებს ორშაბათს გაეცნობა:

„სიახლე არის ის, რომ უკვე მოსულია ბიოლოგიური ექსპერტიზის პასუხები, რომელსაც ორშაბათს გავეცნობი, დეტალებზე შემდგომ ვისაუბრებ“, - განაცხადა მარიამ კუბლაშვილმა.

მანამდე ოჯახის ადვოკატი ღიად აცხადებდა, რომ მაჩალიკაშვილის სამედიცინო დოკუმენტებში დარღვევები და მწირი ინფორმაციაა. რის გამოც საქმეში დამოუკიდებელი ბალისტიკური ექსპერტიც ერთვება.

ამავე თემაზე: მაჩალიკაშვილის სამედიცინო დოკუმენტებში დარღვევებია - ადვოკატი