ბრიტანეთის ტახტის მემკვიდრის მეუღლე, კემბრიჯის ჰერცოგინია ქეით მიდლტონი დიდი ხანია აღიარეს ერთ-ერთ ყველაზე ელეგანტურ და დახვეწილი გემოვნების ქალად მთელს მსოფლიოში. მან შეძლო და მოიპოვა დიდი გავლენა მოდის სფეროში. სამოსი, რომელსაც ის ატარებს, რამდენიმე საათში სრულად იყიდება მაღაზითა ქსელიდან. მას სრულიად სამართლიანად უწოდეს ბრიტანული მოდის დესპანი, რადგან ჰერცოგინია ძირითადად უპირატესობას ბრიტანულ ბრენდებს ანიჭებს და ხშირად ჩნდება დამწყები ბრიტანელი დიზაინერების სამოსშიც. რა თქმა უნდა, ჰყავს საკუთარი ფავორიტებიც.

ქეით მიდლტონის ჩაცმის სტილი დიდი ხანია დაკვირვების ქვეშაა და კრიტიკოსებს არ გამორჩენიათ არც ერთი დეტალი, მათ შორის, მისი და პრინცესა დიანას სამოსის მსგავსება. ნაწილი ქეითს დედამთილის მიბაძვაში ადანაშაულებს. მეორე ნაწილის აზრით, უდაოდ გამორჩეული სტილის მქონე პრინცესა დიანა, ისევე როგორც მრავალი ქალისათვის მსოფლიოში, ქეითისთვისაც სტილის აიქონია. როგორც ჩანს, კემბრიჯის ჰერცოგინიისთვის სწორედ მისი დედამთილი გახდა სამეფო სტილის შთაგონების წყარო.