Park Indigo-ოს სპეციალისტებმა დაასახელეს მსოფლიოში ყველაზე გაყიდვადი ავტომობილების რეიტინგი, ყველაზე პოპულარული გამოდგა ავტომობილი Toyota Hilux, რომელიც მსოფლიოს 25 ქვეყანაში №1 ადგილი დაიკავა გაყიდვების მიხედვით, ამ ქვეყნებს შორის არის ავსტრალია, არგენტინა, უკრაინა, ყაზახეთი და სამხრეთ აფრიკა.

შემდეგი ადგილი რეიტინგში უკავია Volkswagen Golf-ს, რომელიც ყველაზე გაყიდვადია გერმანიაში, დიდ ბრიტანეთში, ბელგიასა და ნორვეგიაში.

მესამე აღმოჩნდა Toyota Land Сruiser, რომელიც ყველაზე გაყიდვადი აღმოჩნდა ყატარში და პაპუა გვინეაში.

რაც შეეხება ამერიკის შეერთებულ შტატებს, აგერ უკვე თითქმის ნახევარ საუკუნეა ტრადიციას არ ღალატობს იქ კვლავ ყველაზე პოპულარული F კლასის Ford-ია.(Ford F-150 )

აღმოსავლეთ ევროპაში ყველაზე გაყიდვადი skoda octavia აღმოჩნდა, ამ ავტომობილს პირველი პოზიცია უკავია მშობლიურ ჩეხეთში, ფინეთში, სლოვაკეთთში, ესტონეთში, პოლონეთში, ბოსნიაში და კიდევ შვეიცარიაში.

რუსეთში ყველაზე გაყიდვადი ავტომობილი სამხრეთ კორეული Hyundai Solaris-ია.

რაც შეეხება საქართველოს, სამწუხაროდ რუკაზე საერთოდ არაა მონიშნული, ჩვენ მეზობელ აზერბაიჯანში კი ყველაზე გაყიდვადი Lada 4x4 -ზე აღმოჩნდა.

საქართველოს შსს-ს 2016 წლის მონაცემებით(რა თქმა უნდა მარტო ახლები არ იგულისხმება, ჩვენთან ძირითადად მეორადი ავტომობილები იყიდება) ჩვენს ქვეყანაში ყველაზე პოპულარული ავტომობილი Mercedes Benz-ია.

იხილეთ სხვა ავტოსიახლეები