ჯოზეფ მერფის სამეცნიერო ლოცვები არ მოითხოვს რომელიმე რელიგიის წარმომადგენლობას, არამედ დამყარებულია საკუთარი თავის რწმენაზე და სამყაროს შესაძლებლობებზე. ლოცვები არ შეიცავს თხოვნებს. როგორც თავად ავტორი ამბობს, "ჩვენ უკვე გვაქვს ის, რასაც ვთხოულობთ. არ ღირს თხოვნა და ლოდინი, რადგან სურვილი, ასე თუ ისე, ახდება. საკმარისია მხოლოდ რწმენა. ბოლომდე ირწმუნოთ, რომ ის ახდება."

ზოგადად ჩვენთვის დამახასიათებელია ეჭვის შეტანა და გარანტიების მოთხოვნა. რელიგიური ადამიანების უმრავლესობა ლოცვის შემდეგ მის მტკიცებულებას ეძებს. ყველაფერი კი ძალზე მარტივია – გარანტია ჩვენი შინაგანი ძალაა. ჩვენი შინაგანი რწმენა იმაში, რომ ჩვენ მივიღებთ ყველაფერს, რასაც მოვინდომებთ, ის რომ ჩვენი სურვილი ახდება.

ჯოზეფ მერფის სამეცნიერო ლოცვების ზეპირად სწავლა არ ღირს – ეს წარმოადგენს თავისუფალ დიალოგს სამყაროსა და თქვენს შინაგან ძალას შორის.

მთავარია, რისგან შედგება ჯოზეფ მერფის სამეცნიერო ლოცვები –ეს პოზიტიური მტკიცებულებაა. ისევე როგორც აფირმაციები (პოზიტიურ დებულებები, რომლებშიც აქცენტი კეთდება იმაზე, რასაც საჭიროებს ადამიანი და მიმართულია აზრებისა და რწმუნებების შეცვლაზე დადებითი მიმართულებით), ლოცვები წარმოადგენს ძლიერ ინსტრუმენტს თქვენს ირგვლივ არსებული რეალობის შესაცვლელად. ყველა თქვენი ფიქრი ტვინის უჯრედებში კვალს ტოვებს, რომელიც შემდგომ რეალობაში გარკვეული სახით თავს იჩენს.