ტექნოლოგიური სიახლეები კომპანია APPLE-მ დააპატენტა ახალი სახის IPHONE , რომელიც ორად იკეცება 2017, 26 ნოემბერი, 12:05 ახალი მოწყობილობის შემქმნელები ირწმუნებიან, რომ შესაძლებელი იქნება ტელეფონის წიგნივით გახსნა–დახურვა. შესაძლებელია Apple – მ მოქნილი ეკრანის დასამზადებლად კომპანია LG – სთან ითანამშრომლოს.
აი ასეთი იქნება ახალი სმარტფონი, რომელსაც ჯერ სახელი არა აქვს.
 ახალი მოწყობილობა ხელის ერთი მოძრაობით iPhone – დან iPad – ად გარდაიქმნება. პატენტში წერია, რომ სპეციალური ხაზი ეკრანზე საშუალებას მისცემს მატრიცას გაიღუნოს. აგრეთვე ვრცელდება ინფორმაცია, რომ Apple –მ შეიმუშავა ახალი თაობის ეკრანი ტექნოლოგიით microLED, რომელიც შეცვლის OLED ტექნოლოგიის ეკრანს (ასეთი ეკრანი აქვს ბოლო iPhone Х – ს).
საინტერესო იდეის მიუხედავად, უახლოეს მომავალში მოქნილი iPhone არ გამოჩნდება - წარმოების სირთულის გამო. მისი გამოჩენა 2020 წლისთვის არის მოსალოდნელი. ასეთივე მონიტორების დამზადებას ცდილობენ Samsung და LG.
მანამდე Samsung –მა წარადგინა დასაკეცი სმარტფონი სახელწოდებით Foldable Valley. მისი გამოჩენა 2018 წლის იანვრისთვის იგეგმება. ასეთ შემთხვევაში სამსუნგი ყველას მოასწრებს ამ ტექნოლოგიის დანერგვას.
ერთერთმა პირველმა LG – მ 2014 წელს დემონსტრირება გაუკეთა 18-დიუმიან OLED-პანელს, რომელიც იღუნება, იგრიხება და ამასთან ჩვეულებრივად აგრძელებს მუშაობას. 
2017 მაისში LG – მ აგრეთვე წარმოადგინა კონცეფცია "ტელევიზორი-შპალერი" (wallpaper TV), რომელიც სისქით 1 მილიმეტრზე ნაკლებია, ემაგრება კედელზე მაგნიტებით და იღუნება გამოსახულების ხარისხის დაკარგვის გარეშე. 
33 შეფასება არ არის
|
  |
Intermedia.ge © 2011-2024 წელი
საავტორო უფლებები დაცულია
 |
