კალორიული, გემრიელი და ხრამუნა მზა საკვები, რომელიც ბევრი ადამიანისთვის საყვარელი საჭმელია, საერთოდ არ უმდა იყიდოთ, ან თუ იყიდით, ისეთ ადგილზე უნდა შეინახოთ, რომ თვალში არ მოგხვდეთ.

მლაშე, სუნელებიანი და მწარე კერძები ვახშამზე, მხოლოდ აძლიერებს შიმშილის გრძნობას, გარკვეული პერიოდის შემდეგ. შეამცირეთ მარილის რაოდენობა 2-ჯერ და ასევე უარი თქვით სანელებლებიან კერძებზე.

ცხიმიანი, ტკბილი, შემწვარი და ცომეული — საღამოს საათებში, ყველაფერს ტაბუ უნდა დაადოთ. დაივიწყეთ ასევე გაზიანი წყალი და ალკოჰოლი. ამ პროდუქტების მოხმარების შემდეგ, შიმშილის გრძნობა ისევე სწრაფად ჩნდება, რამდენადაც სწრაფად ხდება ადამიანის დანაყრება, მათი მოხმარების შემთხვევაში.

ბროკოლი, გარდა იმისა, რომ ძალიან სასარგებლო ბოსტნეულია, ის იმითაც არის გამორჩეული, რომ დიდი ხნის მანძილზე აქრობს შიმშილის გრძნობას. ვისაც ბროკოლი არ უყვარს, შეუძლია ის სხვადასხვა სახის მცენარეული ზეთით ან სეზამის და მზესუმზირის მარცვლებით შეაზავოს.

ვარჯიში ან სირბილი ძილის წინ, დაგეხმარებათ, რთული სამუშაო დღის შემდეგ, დაძაბულობის მოხსნაში. ხშირ შემთხვევაში, ძილის წინ, მაცივართან მისვლის მიზეზი, სწორედ დღის მანძილზე მიღებული სტრესი შეიძლება იყოს!

ოთახში, რომელშიც ძილის წინ იმყოფებით, 17–18 გრადუსამდე თუ შეამციროთ ტემპერატურას, შიმშილის გრძნობა თავისთავად გაქრება.

ამ ბოლო დროს, ექიმები და დარგის სპეციალისტები, გრილ ოთახში ძილს გვირჩევენ ერთხმად.

ხშირ შემთხვევაში, შიმშილის გრძნობას მაშინაც განვიცდით, თუ ჩვენს ორგანიზმს უბრალოდ სითხე ესაჭიროება. ძილის წინ საწოლის სიახლოვეს წყალი დაიდგით, რომ ღამე გაღვიძების შემთხვევაში, სამზარეულიში წასვლა და მაცივრის გვერდით ჩავლა არ მოგიწიოთ.

გაიხეხეთ კბილები პიტნის შემცველი პასტით. პიტნის სიგრილე იმდენად სასიამოვნოა, რომ ნამდვილად აღარ მოგინდებათ იდეალურად სუფთა პირის ღრუს «გაჭუჭყიანება».