Nissan-ი დარწმუნებულია, რომ მომავალი სრულიად ეკუთვნით ელექტრომობილებს და ავტონომიურ სატრანსპორტო საშუალებებს.ტოკიოს ავტოსალონში კომპანიამ წარმოადგინა ახალი მოდელი Nissan IMx-ი, რომელიც წარმოგვიდგენს მომავლის გლობალურ კროსოვერს და ავტომობილის ავტონომიურ ტექნოლოგიას Nissan Intelligent Mobility.

ავტომობილი, რომელიც ზომით Nissan Qashqai-ის ტოლია, აღჭურვილია ორი ელექტროძრავით(წინ და უკან)ძრავების საერთო სიმძლავრე 435 ცხენის ძალააა, სრულიად დამუხტულ ელექტრომობილს 600 კილომეტრის გავლა შეუძლია.

IMx-ის შიდა (და გარეც)დიზაინი ფუტურისტულია, -ეს გახლავთ დიზაინერების წმინდა წყლის ფანტაზია, სალონში ოთხი განცალკევებული სავარძელია, საჭე მოგაგონებთ შტურვალს, ცენტრალური მართვის პულტით, შიდა ინტერიერი ძირითადად ხისგანაა გაკეთებული, პანორამული პანელის დაფა დამატებითი ტექნოლოგიური სიახლეებით არის აღჭურვილი, მაგალითად მულტიმედიიის მართვა თვალის მოძრაობით არის შესაძლებელი, ხოლო ავტონომიური მოძრაობა ჟესტებით.

IMx-ი აგრეთვე აღჭურვილია Nissan Pro Pilot-ის ავტონომიური მართვით, ის შედგება 9 რადარული სისტემით, 12 კამერით, 6 ლაზერული სკანერით, 12 სენსორით, ყველას თავის დანიშნულება აქვს, აქტივაციის შემდეგ სისტემა აშორებს შტურვალს, მართვის პულტს, გაზის და მუხრუჭის სატერფულები ძირში იმალება, ხოლო ოთხივე სავარძელი უფრო კომფორტულ მდგომარეობაში გადადის.

პარალელურად სენსორები ხელის რეჟიმშიც მუშაობენ, რა დროსაც მძღოლს ეხმარება ავტომობილმა გაიაროს ვიწრო ადგილები, დააფიქსიროს ქვეითად მოსიარულეები და სხვა ავტომობილები.

IMx შეიქმნა სპეციალურად ელექტრომობილებისთვის, რომლის საფუძველიც გახლავთ სრულიად განახლებული ბატარეები.ეს პლატფორმა იქნება საბაზისო იმ 12 ელექტრომობილისა, (დაწყებული კომპაქტურით და დამთავრებული ჯიპებით) რომელიც Nissan, Renault და Mitsubishi -ის ალიანსმა აიღო ვალდებულება 2022 წელს გამოუშვან ისინი.

იხილეთ სხვა ავტოსიახლეები