სელის თესლი მდიდარია მაკრო და მიკრო ელემენტებით (კალიუმი, კალციუმი, მაგნიუმი, რკინა, მანგანუმი, სპილენძი, თუთია, ქრომი, ალუმინი, ნიკელი, იოდი, ბორი), ახდენს სელენის კონცენტრირებას.

მსუბუქად ასტიმულირებს ნაღვლისა და შარდის გამოყოფას, ფლობს საფაღარათო და იმუნომასტიმულირებელ თვისებებს. შესაძლებელია მისი გამოყენება საკვებით მოწამვლის შემთხვევაში. იღებენ 2-3 ს.კ. დღეში რამდენჯერმე პატარა ყლუპებით.

1 ს.კ. სელის თესლს დაასხით 200 მლ. წყალი ან რძე, ადუღეთ 10 წუთი დაბალ ცეცხლზე, შემდეგ გადაწურეთ. მიიღეთ 2-3 ს.კ ნაყენი პატარა ყლუპებით დილით და საღამოს.

100 გრ. დაფქული სელის თესლისა და 500 გრ. თაფლისგან გააკეთეთ ნაზავი და მიიღეთ 1 ჩ.კ. დღეში 8-10-ჯერ თბილ წყალთან ერთად. ხველის შერბილების შემდეგ ნაზავს უმატებენ თითო ჩაის კოვზ ანისულს, კამას და ჯანჯაფილს. მიიღეთ დღეში 4-6-ჯერ ჭამასა და ჭამას შორის შუალედებში.

მიიღეთ 1 ჩ.კ – 1 ს.კ სელის თესლის ზეთი დღეში 4-5-ჯერ დღეში ჭამის წინ ან ჭამის დროს.

ხალხურ მედიცინის თანახმად, სელის თესლის ნახარში კუჭის კედლებზე ლორწოვან გარსს წარმოქმნის, რომელიც ხელს უშლის ორგანიზმში ცხიმების მოხვედრას, სელის თესლის მოცულობა იზრდება და შესაბამისად შიმშილის გრძნობაც მცირდება. ამასთან, ასუფთავებს ორგანიზმს შლაკებისგან, აძლიერებს იმუნიტეტს, ამცირებს ონკოლოგიური დაავადებების რისკს.

მაგრამ გაითვალისწინეთ, რომ სელის თესლის ნახარშის ხანგრძლივი მიღება დაუშვებელია – მიიღეთ 2 კვირა, შემდეგი 2 კვირა შეისვენეთ. აღნიშნული ციკლით იღებთ სელის თესლს 3 თვის მანძილზე, შემდეგ 1 თვე ისვენებთ. ნახარში დააქვეითებს თქვენს მადას, დაგეხმარებათ ზედმეტი წონისგან გათავისუფლებაში, არეგულირებს სისხლში შაქრის დონეს, პოზიტიურად მოქმედებს კანზე – რბილი და ხავერდოვანი ხდება, ფრჩხილები მაგრდება, თმა ბრწყინვალებას იძენს.

ნახარშის მოსამზადებლად ჩაყარეთ 2 ს.კ. სელის თესლი ემალირებულ ჭურჭელში და დაასხით 3 ჭიქა წყალი, დადგით დაბალ ცეცხლზე და ადუღეთ 10 წუთის მანძილზე, გააგრილეთ, შეგიძლიათ არ გადაწუროთ. მიიღეთ 1/2 ჭ. თბილი ნახარში ჭამამდე 1 საათით ადრე, გემოსთვის შეგიძლიათ დაამატოთ თაფლი, რამდენიმე წვეთი ლიმონის წვენი.

საკვებში სელის თესლის დამატება ადვილად გაგათავისუფლებთ ზედმეტი კილოგრამებისგან, საკმარისია დღეში 2 ს.კ. სელის თესლი და არარნაირი დიეტა აღარ დაგჭირდებათ. დაფქული თუ მარცვლების სახით შეგიძლიათ დაუმატოთ ფაფას, სალათს, ბოსტნეულის რაგუს, ხორცის კერძებს, სუფს - უფრო ადვილად ხდება ორგანიზმის მიერ მინერალური ნივთიერებებისა და ვიტამინების შეთვისება, ზედმეტი კილოგრამები კი იწვება ყოველგვარი ძალისხმევის გარეშე - ბევრ საშუალებას არ შეუძლია მსგავსი ეფექტის მოხდენა.

კოქტეილის მოსამზადებლად საჭიროა დაფქვათ 1 ს.კ. სელი თესლი ყავის საფქვავში, დაუმატეთ ახლადგამოწურულ სტაფილოს წვენს, შემდეგ კი 1 ჩ.კ. სელის თესლის ზეთი შეურიეთ. გააჩერეთ 5 წუთი და მიიღეთ.

დაფქულ სელის თესლს უმატებენ კეფირს ან იოგურტს. იღებენ 2 კვირის მანძილზე დღეში 3-ჯერ ჭამამდე 1 სთ. 30 წთ. ადრე. პირველ კვირას 100 მლ. უცხიმო კეფირს შეურიეთ 1 ჩ.კ. დაფქულ სელის თესლი, მეორე კვირას სელის თესლი 2 ჩ. კ.-მდე გაზარდეთ.

სელის თესლის ზეთი ორგანიზმისთვის საკვები ღირებულების მიხედვით, მყარად იკავებს პირველ ადგილს სხვა მცენარეულ ზეთებს შორის.